Nestas últimas sesións estivemos traballando duro investigando sobre a historia da nosa cidade. Quen son esas persoas que dan nomes ás nosas rúas e que dedicaron a súa vida a coidar dos demais?
Comezamos localizando as rúas, buscando información sobre elas e levamos moitas sorpresas, pois descubrimos que no século XIX moitas das persoas que hoxe dan nomes a estas rúas están relacionadas co primeiro hospital que tivo a cidade, o Hospital da Caridade, situado na rúa que hoxe recibe o nome de Hospital na súa memoria. Localizámolas nun plano da cidade e expuxemos os resultados da investigación no club para poñelos en común e decidir que facer a continuación.
O seguinte paso foi buscar material bibliográfico sobre este tema e atopamos unha película titulada 22 ángeles e varios libros: Os nenos da varíola de María Solar, Pequena historia da Coruña, de Xosé Tomás e Xosé Alfeirán, e unha banda deseñada que se titula Nuevo mundo, de El primo Ramón.
Así conseguimos reconstruír en parte a historia do Hospital da Caridade
fundado por Teresa Herrera, o primeiro lugar dedicado profesionalmente
aos coidados dos/as nenos/as coruñeses e coruñesas e que xogou un papel
fundamental na expansión da vacina da varíola por América e Asia. A
cidade tamén ten varios lugares que lembran esta fazaña, esculturas,
pracas conmemporativas, e unha rúa dedicada a Isabel Zendal, a reitora
do Hospital da Caridade que coidou os nenos durante a expedición.
Para
dar forma ao noso proxecto e poder contar a historia do Hospital decidimos realizar un teatriño de títeres
recreando os espazos principais da historia e polo momento, niso
andamos!
